辦大事係一種享受，如果仲可以一邊打機或者一邊煲劇，咁就Perfect池喇！去得舒?固然係好啦，但係去完發覺冇廁紙嘅話，咁就真係由天堂跌落地獄喇 ！如果屋企有人，咁你都仲可以慘叫搵人幫你嘅，不過假設連嗰個人都救你唔到，咁點算呀？

是咁的，有一日外國妹豬Sabrina同佢男友喺屋企嗰陣，突然兩個都feel到個肚好似有一百隻大笨象喺度奔騰緊咁喎，好彩間屋入面有兩個廁所咋！咪一人一個自己搞掂佢囉。

點知就喺妹豬最釋放嘅時候，竟然發現廁所冇廁紙呀！屙sss先嚟冇廁紙，唔通連個天都唔鍾意佢？Sabrina即刻大聲叫男友嚟救命啦，點知男友仲未辦完大事，兩個廁所又唔係喺隔籬，救唔到佢呀！

唔使驚， 狗狗喺大廳！好彩男友一呼喚女友隻狗，狗狗即刻衝上嚟搵佢，男友掛完嚿廁紙上狗狗條頸，妹豬再叫狗狗搵佢。就係咁，汪星人就成功速遞咗嚿廁紙畀主人，拯救佢出sss坑喇！

「咁臭仲叫我入嚟，真係冇好帶挈呀汪⋯⋯」

原來狗狗都唔係次次都使命必達㗎，主人話平時只要一放任何嘢上汪汪個身度，佢就會硬晒呔咁郁都唔郁㗎喇！今次狗狗見主人情況危急先出手咋～狗狗咁鍚主人，係抵獎勵下嘅。

主人本身諗住再訓練下汪星人幫佢運支酒啦，點知狗狗睬佢都有味呀⋯⋯主人，做人就唔好得寸進尺啦～唔係下次廁紙都唔幫你拎㗎喇！

封面圖片及資料來源：the Dodo