而家成班fd出嚟，無論食港式邊爐、日式放題定韓式燒烤都好啦，下場都只有一個，就係食到半路已經成班人靜曬，各有各篤電話……唉，雖然一咁講就會暴露年齡，但真係好懷念以前去旺角上樓cafe，大家都唔會掛住撳電話，而係圍埋一齊玩boardgame玩層層疊嘅年代呀……

講起層層疊，我哋細細個就唔止聽過呢個名，仲玩過900幾次啦。成班fd圍埋一齊，明明只係玩遊戲，但都會緊張到閉曬氣，個感覺真係好正呀！玩咗咁多次，你又知唔知原來佢仲有另一個玩法先？

最近日本有個網民就發現，原來將層層疊成楝砌好之後，再浸佢落浴缸之後，神奇嘅事就會出現㗎喇！個層層疊竟然好似有生命咁，慢慢一條條積木伸曬出嚟啵！真係玩咗咁多年都唔知呢個秘密呀！蘊藏住黑暗力量嘅層層疊，喺我面前顯示你真正嘅力量，契約之下，小櫻命令你即刻解！除！封！印！

點解會發生啲咁嘅事㗎？唔通係因為浴缸日積月累咁吸收咗人類靈氣，而家透過熱水傳咗畀個層層疊？亦都有人話呢個係熱漲冷縮現象，不過就算毛毛聽佢拋完呢四隻字出嚟都唔明發生咩事囉……Btw，一般人沖涼最多咪拎隻膠鴨仔陪自己玩水，到底拎住層層疊一齊浸浴係咩玩法？

これはジェンガとお風呂に入っている時に偶然発見したのですが、ジェンガを水に入れると『古代オーパーツの謎が解けた瞬間』っぽくなります pic.twitter.com/iLrufHxWYv

— ARuFa (@ARuFa_FARu) April 27, 2017

封面圖片、資料來源連結：ARu​​Fa_FARu／twitter