2017年04月28日 星期五
老婆收埋Pizza味薯片自私食咁衰？等我換晒做仙貝先！
眾所9知，自從日本卡樂B話Pizza味薯片會停售之後，Pizza味薯片嘅炒價就升到冚冚聲，所以家陣要搵包Pizza味薯片食下都唔係咁易㗎。而最近，有日本網民就發現老婆竟然收埋咗一包Pizza味薯片喺衣櫃入面？嘩嘩嘩，衰婆你唔係諗住自私食呀嘛！
既然老婆不仁，做老公嘅都唔會同你講情義。
於是呢位網民就決定嚟一招仙貝換薯片，偷偷地將老婆包Pizza味薯片換晒做仙貝，等老婆滿心歡喜咁打開包薯片之後再一秒跌落地獄，一嚐來回地獄又折返地獄嘅滋味！
嗱，話明要偷偷地咁仙貝換薯片，咁就梗係唔可以畀老婆發現個薯片包裝袋係畀人開過㗎啦！呢位網民好小心咁喺包裝袋度開一個窿，然後換走晒入面啲Pizza味薯片之後再用熱熔膠封返個口⋯⋯
登櫈，大功告成！點呀，是咪睇唔出有咩破綻呢？
雖然呢位網民奸計得呈，不過開講都有話「你老婆的心情如何，你的命運也必如何」，乜你以為你整蠱完老婆之後可以全身而退咩？唔好咁天真咁傻啦，老婆已經連本帶利咁還返畀你喇！
「哼！咁鍾意仙貝吖嗱，慢慢食啦你！」
弱弱一問，其實有冇人諗過呢位日本人妻根本唔係諗住自私食，可能佢只係諗住畀個實派老公先收埋包薯片⋯⋯55。
嫁さんがピザポテトを隠し持ってたので、お風呂に入ってる間に中身を大好きなぼんち揚げに変えてあげました。 pic.twitter.com/giTQoNl4SE
— もひかん@書籍発売御礼！ (@mohikan1974) 2017年4月27日
資料來源：mohikan1974／twitter
睇埋：
