一講起Lady Gaga，唔少人都會諗起佢嗰條極具代表性嘅牛肉裙⋯⋯老老竇竇，用牛肉嚟造裙又係有創意嘅！不過講到創意呢家嘢，河南呢位大媽都唔弱，佢竟然諗到用過咗期嘅condom嚟造裙呀！而家就等毛毛同大家一齊睇過睇過～

話說，最近有位河南大媽就用咗3000個過咗期嘅condom嚟整連身裙，佢話佢咁做都係想提醒大家預防愛滋咋！佢仲話喎，成日見啲人派免費condom嗰陣都好似冇人敢拎咁，如果大家思想係健康嘅話，又怕咩拎吖？於是佢就決定整呢條裙出嚟宣揚預防愛滋嘅訊息嘞。

嗱嗱嗱，諗到用一條condom裙嚟提醒大家預防愛滋，呢啲咪創意囉！

而大媽被問到製作呢條condom裙有咩困難嘅時候，佢就話最難處理係condom上面啲潤滑油喎⋯⋯嗯，滑潺潺咁又係難搞啲嘅。最後經過大媽個幾星期嘅努力，呢條condom裙終於完成咗嚕！

弱弱一問⋯⋯嗱，本身condom就要嚟避孕，而大家都有唔少子子孫孫死喺condom嘅手上吖，家陣條裙用咗3000個condom嚟整，咁呢條裙個名堂會唔會就叫做「攞你命3000」呀？蝦蝦。

資料來源：梨視頻