女僕cafe大家就見得多,唔知重量級女僕cafe大家又聽過未呢?
話說,最近網上就瘋傳緊一輯女僕相,聽講個個網民見到呢輯女僕相都會猛tag9自己啲fd,叫佢哋一定要去咁話喎⋯⋯大家睇下,呢班重量級女僕又真係個個都同卡比獸一樣咁可愛,而且笑容燦爛,散發住陣陣青春氣息咁啵,真係卡娃依呢!
嗱嗱嗱,大家唔好睇佢哋身型咁豐滿就以為佢哋做嘢會唔夠爽手,其實佢哋不知幾識利用自己身型上嘅優勢嚟做好女僕呢份工!
香港茶記員工識用耳仔夾筆好叻咩?呢班重量級女僕夠識用事業線夾筆咯,而且睇落仲夾得好穩陣?!
btw,唔好以為想會一會呢班重量級女僕好易喎,其實佢哋係可遇不可求㗎。聽講呢班重量級女僕嘅真正身份係coser嚟嘅,佢哋為咗一嚐做女僕嘅滋味,所以咪不定期喺呢間cafe度扮工囉。其中一位女僕仲話好多謝各位主人大駕光臨,希望下次再同各位主人見面?~喂,你哋幾時再開放呀?毛毛帶定支廣角鏡嚟同你哋瘋狂影相呀!