【解除封印】啲立體古羅卡紙雕靚到呢

百變小櫻~魔法神奇誰可阻擋~《百變小櫻Magic Card》呢套陪住我哋長大嘅動畫,之前有消息話會捲土重來出續篇動畫,Fans梗係開心啦!不過,咁咪即係官方又會出新周邊,我哋個荷包又要大出血囉?

喺街度見到一副古羅卡都賣成幾百蚊嗰陣係咪灰9晒呢?其實你有心機又有時間嘅話,唔一定要買官方周邊嘅 ,不妨跟呢位網友偷下師,自己砌下古羅卡紙雕都可以好靚㗎!

圖片來源:mozza120x2/twitter

圖片來源:mozza120x2/twitter

要整紙雕,首先你要將同一張卡瘋狂Copy & Paste, 跟住印佢出嚟。今次網友示範嘅就係「無之卡」,即係Nothing喇,咁點將Nothing變Something呢?

圖片來源:mozza120x2/twitter圖片來源:mozza120x2/twitter圖片來源:mozza120x2/twitter

就係要好有心機咁逐Part剪佢出嚟喇~特別係啲要突出啲Layer嘅地方,好似頭髮咁,就要更加小心剪喇!

圖片來源:mozza120x2/twitter

剪完一大輪,只要將啲配件一層一層咁黐上去就得㗎喇~雖然黐紙雕就唔會兩層比一層鬆化咁易碎,但係都係小心啲好,仲要按返深淺,做返啲弧度出嚟,咁望落先夠立體㗎~

圖片來源:mozza120x2/twitter

由於時間嘅關係,網友已經做好咗「無之卡」,仲整埋「鏡之卡」𠻹!真係好靚呀!將啲古羅卡整到咁立體,好似個卡精靈喺張卡度瞓緊覺,隨時可以叫佢起身咁,小櫻仲使乜叫佢哋回復本來真面目叫得咁辛苦呀~

係咪睇完都唔明點整呢?正常吖,平日睇完人教煮嘢食,我哋喺屋企煮嗰陣咪又係煮到一Pat嘢咁。所以都係捕住神手網友個Twitter,睇佢幾時出新作品好過啦!

 

封面圖片及資料來源:mozza120x2/twitter

毛記電視網站 · 版權所有 · 不得轉載 Copyright © TVMOST.COM.HK All rights reserved