2017年05月18日 星期四
【捉到你喇】亂打字仲要印咁多張出嚟？主子都冇情講呀！
高智慧外星生物喵星人嚟到地球之後，周不時都會畀人類意外發現佢哋嘅入侵大計。喵星人用可愛外表做掩飾，其實就暗中監察人類嘅一舉一動，再發情報返喵星，等喵喵大軍可以作出周詳計劃，再大舉進攻呀！
之前都有人類發現過屋企嘅喵星人夜晚偷偷地周街走、或者反監視返個監視器咁㗎喇，而今次就有人捉到喵星人偷用電腦呀！
「HHHHHHHHHHHHHHHjjjjjj554唔識串」？你明唔明佢講乜呀？唔明就啱喇，擺明係喵星文嚟！你唔好諗住用Twitter做掩飾，扮晒只係post網同班FD子分享下生活見聞，我哋就唔知你其實係send返總部準備入侵藍星大計喎！
人嚟！押上犯喵星人！呢隻喵星人喺Twitter個框框度亂打字cap埋圖都不特止，仲要印咁多張出嚟，真係主子都冇情講呀！你知唔知你單面print嘢好嘥紙㗎，下世容乜易冇機畀你爬！一於掛個犯人牌喺你心口帶你遊街示眾，睇你下次仲敢唔敢！等得你寄返喵星蚊都瞓啦，下次要發情報返總部嘅話，send Email呀嘛，又快又環保！（咦，乜重點係呢樣咩？）
うちのニャンサムウェアは勝手にツイートしようとした挙句、印刷までしてくる pic.twitter.com/nTU1WUo2e3
— さめあんこ＠ぷにけ・けもの95.96 (@sameanko) May 17, 2017
封面圖片、資料來源連結： sameanko／twitter
《喵星人高智慧之證明》
