有唔少主人喺心愛嘅寵物過身之後，都會幫佢哋搵善終服務，然後留返少量毛髮或者骨灰做紀念嘅。如果條件許可，例如屋企有花園，或者寵物嘅體積唔太大，都會有人葬喺花園嘅。

日本有個網民就話上年倉鼠仔離開佢之後，就將倉鼠仔嘅遺體葬咗喺花園喇。而最近，喺泥土入面竟然長出向日葵啵，但佢諗返，自己之前都冇將種子放入泥土，到底點解會無啦啦有棵向日葵㗎呢？

於是佢就估計，可能係倉鼠仔死嘅時候，口入面仲含住粒葵花子，所以慢慢就長出向日葵喇。雖然倉鼠仔嘅離開令佢好傷心，但而家見到棵向日葵，總算可以安心喇，就好似倉鼠仔只係用另一個形式，繼續陪住佢咁。

原來之前都試過有另一個主人遇到相同嘅事，收到倉鼠變成小天使之後送畀佢嘅禮物。如果用呢一棵向日葵嘅種子嚟餵新養嘅倉鼠，等呢份愛延續落去，都幾浪漫吖。

昨年飼っていたハムスターを亡くし庭に埋めたのですが、最近になって埋めた所から向日葵が生えてきました。餌など撒いたことのない場所なので、恐らく亡くなったハムスターの頬袋に残っていた種から発芽したんだと思います。なかなか悲しいけれど、ほっとしました。元気に育ってください。? pic.twitter.com/9cZhCk1x8D

— ? (@CRAZYMONKEY_Dub) May 21, 2017

封面圖片、資料來源連結：CRAZYMONKEY_Dub／twitter