日本嘅電視廣告一向創意無限，好容易就令觀眾留下深刻嘅印象，就算明知係廣告都會睇晒佢㗎！其實除咗電視廣告之外，日本嘅平面廣告咪一樣咁正～好似早前呢個Granblue Fantasy三周年報紙廣告咁吖，將所有角色擺晒落咁大版廣告度，做Fans嘅就梗係要收藏啦！

不過咁，你估間間公司都有咁多錢落咁大版廣告㗎咩？日本一間殺蟲劑公司「大日本除蟲菊」最新嘅報紙廣告雖然冇Granblue Fantasy咁重本，但就勝在有得睇、有睇玩。

大家見唔見到上面印咗好多線？其實呢啲線係教你摺紙嘅指示嚟㗎，佢仲講明呢個摺紙係超難摺㗎?！到底跟住啲指示摺，最後會摺到啲咩出嚟呢？

有日本網民就用咗個幾鐘嘅時間嚟完成呢個摺紙，原來呢個殺蟲劑廣告竟然係教你摺隻昆蟲出嚟呀！點呢？摺完之後，你見到佢個樣係咪覺得好驚呢？嗱，咁就啱喇，呢個時候你最需要嘅咪就係一支殺蟲劑囉！

なんちゅうもん作らせてくれたんじゃキンチョール‼️ pic.twitter.com/8jJ3BIxdQN

— mt (@fowllia) 2017年5月27日

資料來源：fowllia／twitter、aki_hinasaki／twitter

延伸閱讀：

【玩到咁大】Granblue Fantasy三周年報紙廣告個版面會唔會太大？

【洋蔥系日本廣告】喵星人偷偷上堂學按摩氹返老伴過身嘅婆婆

【融化了】感動到喊嘅日本廣告