嗌外賣或者出街食飯嚟講，最驚嘅笨唔係偷功減料，而係師傅加料呀！唉，點解命運要咁殘酷？我最唔想見到嘅嘢竟然咁啱喺呢度畀我見到佢⋯⋯

乜又係你呀阿George？

是咁的，話說最近有台灣網民食飯盒嘅時候竟然發現入面有條煮熟咗嘅簷蛇（留意返，正確嚟講應該係半條，唔係一條）。大家睇下，呢半條簷蛇經過高溫處理之後，啲皮膚已經由半透明變成實色，而且睇落仲好有咬口咁?⋯⋯媽呀，我想嘔呀！

btw，你以為你遇到師傅加料，你嘅命運就好殘酷喇咩？其實諗深一層，條簷蛇嘅命運仲慘過你呀！無啦啦畀人煮熟咗，而家死咗都唔可以安息，仲要畀你擺上網，你話邊個慘啲嘞！

講到慘嘅，早前泰國呢條簷蛇都唔好得去邊。聽講呢條簷蛇因為天氣太熱，所以走咗入雪櫃唞涼，點知走唔切搞到凍僵咗，佢最後個甫士仲要好似向緊個天求救咁㗎陰功⋯⋯

話時話，到底仲有嗰半條簷蛇去咗邊呢？嗯，希望唔係去咗嗰位台灣網民個胃度啦。

資料來源：塵緣／爆廢公社、Premkamon-Tojamnong

睇埋：【神啊救救我】簷蛇走入雪櫃唞涼 點知走唔切凍僵咗