【不要相信人類】小姐你肯定你係化妝而唔係喬裝?

子華神曾經話過,落咗妝之後人哋仲認得你嘅,就叫化妝,人哋唔認得你嘅,就叫做喬裝。毛毛都知大家男人老狗未必識分化妝同喬裝㗎喇,都係唔好咁多口水,用例子教你分啦!

圖片來源:SatoshiNecking/twitter

圖片來源:SatoshiNecking/twitter

呢位日本妹豬睇落都幾卡哇依㗎呢~!就算你話「化到個妝咁濃,係人都靚啦」,毛毛都唔會信你㗎!天生冇返咁上下,畀你化到曉飛都冇咁索囉,唔信你試下自己化嚟睇下喇!

圖片來源:SatoshiNecking/twitter圖片來源:SatoshiNecking/twitter

佢眼又大大,仲有尖尖嘅下巴,你見唔見到佢嘴仔上面粒墨幾咁銷魂呀?真係好想近距離望清楚啲呀……

圖片來源:SatoshiNecking/twitter

咦?小姐你邊位呀?落街買米線就埋邊啦,唔好阻住毛毛睇日本娃娃!

Sor9ry,原來呢位眼瞇瞇嘅小姐,就係頭先個眼大大嘅日本娃娃呀。你見唔見到粒墨呀?佢哋真係同一個人嚟㗎……而家連認都唔認得,你話算係化妝定喬裝喇……

圖片來源:SatoshiNecking/twitter

呢位喬裝高手唔只好大方咁post咗佢嘅素顏相,仲教埋大家點樣打陰影可以畫到塊面咁瘦𠻹。夠喇,毛毛唔想知唔想知呀!(大力掩耳仔)毛毛淨係知以後唔可以咁輕易相信人類咋!

 

 

 

封面圖片、資料來源連結:SatoshiNecking/twitter

同場加映:【絕望真相】睇完呢堆PS前後對比照 叫我以後仲點相信人類喎!

 

毛記電視網站 · 版權所有 · 不得轉載 Copyright © TVMOST.COM.HK All rights reserved