2017年06月19日 星期一
【父親節變愚人節】假優惠都有人信 阿叔走去M記認係老竇換餐？
噚日好似係父親節呀可？嗯，唔講毛毛仲以為係愚人節?⋯⋯
話說，呢幾日網上瘋傳一張假嘅M記父親節優惠，內容話任何年滿21嘅男士，只要喺6月18日父親節當日去到任何一間M記分店同職員講「我係你老竇」，就可以免費換到特別餐一份喎。嘩嘩嘩，唔係咁流都有人信呀嘛？冇錯，就係有人信，而且仲要唔止一個?！
噚晚，有位喺M記做兼職嘅網民就表示自己返工嘅時候遇到幾位阿叔一邊Show呢張假優惠，一邊同佢講「我係你老竇」。
雖然遇到千年難得一見嘅真心膠，呢位網民難免想瘋狂恥笑，不過作一個專業嘅M記職員嚟講，返工係嚟笑㗎咩？返工係嚟做嘢㗎嘛！所以呢位網民都好認真咁同呢幾位阿叔解釋返，話張圖係假嘅，佢哋畀人整蠱呀。
資料來源：名校 Secrets
