2017年06月21日 星期三
【叻喇叻喇】強國人直播表演17秒內啪晒50隻生雞蛋落口
眾所9知，自從強國興起咗直播呢家嘢之後，大家經常都會睇到一啲令人滴汗嘅直播內容。不過咁又係嘅，唔做返啲黐線佬嘢又邊吸引到觀眾睇吖（好似係）？所以，繼早前有強國女女直播用黃鱔自慰之後，最近又有位光頭先生話要直播表演17秒內啪晒50隻生雞蛋落口喇！
嘩，就算唔限時，要啪晒50隻生雞蛋落口都唔係一件容易嘅事嚟啦，何況你而家仲要喺十幾秒之內完成？喂老友，唔得唔好夾硬嚟喎⋯⋯
得得得，強國人咁強，實得㗎！呢位光頭先生分別用咗5個啤酒杯嚟裝住啲生雞蛋，每次啪10隻落口，啪5嘢就搞掂喇！成功喺17秒內啪晒50隻生雞蛋落口，真係巧威威呀！
嗯，不過毛毛諗起啲生雞蛋嘅質感好似篤痰咁就有少少唔開胃囉⋯⋯
有片有真相：
