召集所有鐘意食雞蛋嘅面孔！雞蛋又平又正，你講得出嘅煮法都可以整到，仲要營養又高，真正身份肯定係天神開Party嘅時候唔小心跌落凡間嘅寶貝嚟呀！

鍾意食雞蛋嘅朋友留意喇，日本LAWSON便利店呢款三文治，一定係你杯茶呀！日本便利店乜spring都好食過人就唔使講啦，而佢哋仲好細心咁為雞蛋控推出咗一款全蛋三文治?！

唔好睇佢成個都係橙黃色，就以為只係好多好多雞蛋擺埋一齊咁簡單呀，其實佢入面有蛋沙律、半熟蛋、玉子燒同炒蛋四款做法嘅蛋蛋，一次過滿足你四個願望呀！

除咗雞蛋控三文治，原來日本便利店仲有其他為偏食人士而設嘅瘋狂麵包㗎！你以為紅生姜只係食一兩塊吊下味就夠？傻啦，堆到成個包都係都仲得呀！

火腿～全部都係火腿～朱古力～全部都係朱古力～

雖然只係一件十幾廿蚊港紙嘅便利店三文治，但都咁有諗頭，日本人真係好幸福呀……如果要喺香港買便利店三文治，硬係有種嗱嗱聲吞咗佢就返公司開會嘅感覺囉。

ローソンに静かにくるってる感じのサンドイッチ売ってたから讃える気持ちで買った。 pic.twitter.com/fXcBs9WwVW

— 古賀及子 (@eatmorecakes) June 19, 2017

封面圖片、資料來源連結：eatmorecakes／twitter