頭痕男友俱樂部 一分鐘幫你諗掂 送咩聖誕禮物畀女友!

每年一到聖誕節,男友地中海嘅能見度又會開始上升…

其實又唔使咁煩惱嘅…送禮之前,只要先了解下女友係咩類型,咁就實冇死啦!

所以麻煩你花一分鐘時間,完成以下4條題目先~

 

1.平時出街,要等女朋友幾耐?

A.唔使等 --問題2

B.起碼一個鐘-- 第一類女友

 

2.女朋友會唔會喺大庭廣眾鬧你?

A.唔鬧--問題3

B. 唔鬧,齋打 --第二類女友

 

3.同女朋友傾電話,佢會講咩?

A 無聊嘢--問題4

B.工作目標 --第三類女友

 

4.女朋友瞓之前,會做咩?

A.煲劇--第四類女友

B.睇書--第五類女友

若果你女友係貪靚型,雖然…都要等佢化妝~之不過,其實送禮物畀呢類型嘅女仔先係最易呀!

嗱,就好似Benefit嘅「San Fran Dandy! 粉嫩細緻彩妝套裝」,入面有毛孔細緻霜、雙色唇膏同胭脂蜜粉~

一邊幫佢收細毛孔同油光,一方面幫佢加返啲性感分~除咗呢個套裝之外,仲有其他套裝𠻹呀!

如果佢咁都唔鍾意嘅話,毛毛就「切」…退!

睇嚟,你女朋友都有啲燥狂症㗎喇,毛毛勸你都係少惹佢為妙…

今個聖誕,可以考慮送部通利琴行獨家代理嘅「Yamaha Piaggero NP32B數碼鍵琴」過佢喎,畀佢發脾氣嗰陣陶冶下性情吖嘛!

部琴有76個力度感應琴鍵,等佢十小嬲嘅時候可以細細力彈,特嬲就大大力轟落去~仲要部琴咁輕便攜帶,一於帶住佢出街,咪唔怕佢大街大巷打到你嘔囉!​

如果你女友係事業型,首先講句恭喜先!買樓、買車、做老闆…娘男友嘅機會,就正正放喺你前面。

所以你仲等咩?嗱臨送返對le saunda 嘅「黑色搭帶高跟腳踝靴」畀佢啦!黑皮配上金扣,毛牌風水學嚟講,係可以令佢嘅事業運上升大約百分之五十。 

同呢類型女仔拍拖應該都幾多私人時間…佢夜晚煲劇都煲餐懵啦,仲邊得閒煩你啫!

想每晚都有安樂日子過嘅,咪買返部Linksys嘅WRT32X Gaming Router囉~佢唔單止可以減少Lag機同Peak Ping嘅機會,仲有專屬機迷嘅介面!

嗱,一睇就知呢部其實係專為打機而設嘅Router。不過你即管送畀佢先,佢知唔啱煲劇,自自然然會叫你拎返走㗎啦!

你有個文青女朋友,毛毛真係恭喜你呀~

呢類型嘅女仔就最易氹喇…你搵日陪佢去野餐,影下靚相,再送多份小手作畀佢做聖誕禮物,已經夠佢開心一日啦!

毛記電視網站 · 版權所有 · 不得轉載 Copyright © TVMOST.COM.HK All rights reserved