節目重溫
星期三港案

良心發現,認真製作,

緊貼時事,淺入深出。

毛記電視新聞部出品,每集5至10分鐘不等,

毛記主播聲音導航,超微型新聞紀錄片。

你為咗咩而跑步?

呢個叫Crystal嘅女仔話係為咗減肥啊!但誓估唔到短短6年嘅減肥計劃入面,佢由跑30分鐘都嗌攰,進步到而家跑全馬只需要2小時47分就完成,上年仲代表埋港隊出戰亞運。唔通佢係難得一遇嘅跑步奇才?Crystal話,進步方法只有一個,就係keep住跑啊!
對於公營醫院爆棚,床位要左塞右塞,黃任匡醫生好嬲咁話,呢個根本唔係人類應得嘅醫療水準;而更嬲嘅係,決策嘅高官唔係做實事解決問題,反而係派下魚蛋燒賣咁敷衍了事,林鄭巡視就「洗太平地」,呢個係唔係一個負責任嘅政府嘅所為呢?
邊個話失明就車唔到嘢啊?

呢個叫苑玲嘅視障人士,係一個有30年以上車衣經驗嘅女工。佢話自己只係睇唔到嘢啫,仲可以用隻手摸㗎嘛,難怪視力健康嘅車衣姐姐都話要寫個「服」字畀佢啊!
唔好睇兆哥滿頭白髮啊
而家佢每個星期都仲會去踢波
總之有波踢佢就開心滿足。
就嚟70歲嘅佢話
要同班老友記波友踢到90歲啊!
痛哭酒館?真係有一個咁嘅地方專畀人喊住飲酒㗎?

其實原本呢度只係一個叫「青春工藝」嘅地方,
專教人造木,
後嚟木匠師傅退休之後就轉型搞小型藝術創作,
每一日都有唔同嘅活動,
逢星期二晚,
呢度就會變成畀人傾偈、擺低心事嘅痛哭酒館。

負責人之一嘅阿謙話:「得閒入嚟坐啊。」

唔好睇陳伯就嚟80歲啊
其實而家佢仲好好學
賣毛冷之餘仲不斷睇書學織新花教班街坊
實行做到老學到老
唔怪得織開嘢嘅姐姐都話
陳伯係堅叻㗎!
唔知幾時開始,
香港地愈嚟愈多人講普通話、寫殘體字,
但明明正體字同廣東話,
先係我哋嘅特色同母語㗎嘛。

所以喺香港長大嘅多媒體設計師Kit Man,
用咗2年時間創作咗一款包含6000個正體字嘅「勁揪體」字體,
透過作品話畀所有人知,
香港人應該係講咩話、寫咩字。

拔萃書院,一支力爭學界籃球6連霸嘅王者;
寶覺中學,一支同拔萃打過7次就輸足7次嘅球隊;

後者,場場波都畀人睇低一線,但佢哋偏偏唔認輸,
仲話好想贏拔萃一次。
就喺上個月九龍區學界籃球D1決賽,
佢哋真係擊敗咗「高牆」拔萃,
以1分之差粉碎對方6連霸美夢,首次學界稱王。

終於初嘗勝感嘅寶覺隊長阿峰同阿南話,
佢哋中學生涯最光輝嘅時刻,
就係而家啊!
毛記電視網站 · 版權所有 · 不得轉載 Copyright © TVMOST.COM.HK All rights reserved