節目重溫
星期三港案

良心發現,認真製作,

緊貼時事,淺入深出。

毛記電視新聞部出品,每集5至10分鐘不等,

毛記主播聲音導航,超微型新聞紀錄片。

唔好睇兆哥滿頭白髮啊
而家佢每個星期都仲會去踢波
總之有波踢佢就開心滿足。
就嚟70歲嘅佢話
要同班老友記波友踢到90歲啊!
痛哭酒館?真係有一個咁嘅地方專畀人喊住飲酒㗎?

其實原本呢度只係一個叫「青春工藝」嘅地方,
專教人造木,
後嚟木匠師傅退休之後就轉型搞小型藝術創作,
每一日都有唔同嘅活動,
逢星期二晚,
呢度就會變成畀人傾偈、擺低心事嘅痛哭酒館。

負責人之一嘅阿謙話:「得閒入嚟坐啊。」

唔好睇陳伯就嚟80歲啊
其實而家佢仲好好學
賣毛冷之餘仲不斷睇書學織新花教班街坊
實行做到老學到老
唔怪得織開嘢嘅姐姐都話
陳伯係堅叻㗎!
唔知幾時開始,
香港地愈嚟愈多人講普通話、寫殘體字,
但明明正體字同廣東話,
先係我哋嘅特色同母語㗎嘛。

所以喺香港長大嘅多媒體設計師Kit Man,
用咗2年時間創作咗一款包含6000個正體字嘅「勁揪體」字體,
透過作品話畀所有人知,
香港人應該係講咩話、寫咩字。

拔萃書院,一支力爭學界籃球6連霸嘅王者;
寶覺中學,一支同拔萃打過7次就輸足7次嘅球隊;

後者,場場波都畀人睇低一線,但佢哋偏偏唔認輸,
仲話好想贏拔萃一次。
就喺上個月九龍區學界籃球D1決賽,
佢哋真係擊敗咗「高牆」拔萃,
以1分之差粉碎對方6連霸美夢,首次學界稱王。

終於初嘗勝感嘅寶覺隊長阿峰同阿南話,
佢哋中學生涯最光輝嘅時刻,
就係而家啊!
超級英雄吖嘛,梗係威啦!可以擒高擒低幫助弱小,仲睇得又打得~嘩你睇,原來蜘蛛俠唔止會喺睇戲嗰陣見到,連香港都有㗎!呢位仁兄叫HKspidey,佢唔係超級英雄,佢只係扮超級英雄。不過,佢已經扮咗兩年,為嘅⋯⋯只係香港地咁多位大朋友同小朋友嘅笑容,仲為大家留低咗好多珍貴嘅回憶㖭!
你哋有冇聽過有班人叫「廁所品評師」呀?
佢哋會「視察」全港九新界大大小小廁所嘅衛生程度,
仲會記錄埋用後感,
用「品評」角度話畀大家知,
香港邊到有高質嘅公廁用呀!
喺香港,有人嫌棄港產片連睇都唔睇;亦有人鍾意到狂睇狂煲,
好似Alex同Bunny兩位電影癡,鍾意到開咗間以港產片做主題嘅碟舖,
叫人睇多啲港產片。
其實諗深一層,港產片對我哋嚟講,到底係啲咩呢?
毛記電視網站 · 版權所有 · 不得轉載 Copyright © TVMOST.COM.HK All rights reserved