人人都鍾意食薯條，咁你又有幾鍾意食薯條？

呢個自認係薯條KOL嘅「我係薯條控」話，佢鍾意到每個星期都要食幾次薯條，食完仲會寫埋食評，甚至研究點嘅薯條先好食。佢話唔係要畀人知自己對薯條有幾咁著迷，而係要大家知，食薯條呢樣咁普通嘅嘢都可以好有品味！

咦，呢位巴打咪係早排網上瘋傳「幪面超人變身」短片入面，最多人讚扮得似嘅參賽者？嘩，而家連日本嗰邊都開有post討論，仲話要向你致敬啊！雖然都有人笑唔知醜又笑佢好毒，但計毛毛話，全情投入去做自己鍾意嘅事嗰陣，其實一啲都唔毒，仲好鬼死有型𠻹！

出版咗22年嘅漫畫雜誌《Co-Co!》突然宣布停刊，呢件事喚起好多曾經睇呢本漫畫長大嘅人熱烈討論。雖然人大咗已經冇再睇《Co-Co!》，但對於好多人嚟講，《Co-Co!》盛載住嘅唔止係一個個連載故事，亦係一個已經一去不復返嘅童年回憶…

「死喇，唔記得帶銀包。」
「唔緊要，拎去食住先，你放學再返嚟畀錢我啦！」

你冇聽錯，呢個喺何文田學校區做流動雪糕車小販嘅華哥，真係唔介意學生哥賒住數先，甚至有時仲大方到，你帶唔夠錢都照平賣畀你。嘩，乜咁做生意都得啊？呢個傻得嚟又有啲人情味嘅華哥笑笑口話：「唔係下下都計賺蝕嘅，最重要係班塞豆窿開心啊！」

係咪覺得呢位婆婆好熟口面呢？佢咪就係八點鐘嗰套處境劇飾演八姨婆嘅楊依依囉。出身自文藝世家嘅楊依依，60歲先正式展開自己嘅影視生涯，到而家佢已經演出超過過百套劇集。唔好睇佢成80歲啊，記對白一啲都難唔到佢，演技更加唔會輸畀一班後生啊！

你為咗咩而跑步？

呢個叫Crystal嘅女仔話係為咗減肥啊！但誓估唔到短短6年嘅減肥計劃入面，佢由跑30分鐘都嗌攰，進步到而家跑全馬只需要2小時47分就完成，上年仲代表埋港隊出戰亞運。唔通佢係難得一遇嘅跑步奇才？Crystal話，進步方法只有一個，就係keep住跑啊！

對於公營醫院爆棚，床位要左塞右塞，黃任匡醫生好嬲咁話，呢個根本唔係人類應得嘅醫療水準；而更嬲嘅係，決策嘅高官唔係做實事解決問題，反而係派下魚蛋燒賣咁敷衍了事，林鄭巡視就「洗太平地」，呢個係唔係一個負責任嘅政府嘅所為呢？

邊個話失明就車唔到嘢啊？

呢個叫苑玲嘅視障人士，係一個有30年以上車衣經驗嘅女工。佢話自己只係睇唔到嘢啫，仲可以用隻手摸㗎嘛，難怪視力健康嘅車衣姐姐都話要寫個「服」字畀佢啊！

唔好睇兆哥滿頭白髮啊
而家佢每個星期都仲會去踢波
總之有波踢佢就開心滿足。
就嚟70歲嘅佢話
要同班老友記波友踢到90歲啊！

痛哭酒館？真係有一個咁嘅地方專畀人喊住飲酒㗎？

其實原本呢度只係一個叫「青春工藝」嘅地方，
專教人造木，
後嚟木匠師傅退休之後就轉型搞小型藝術創作，
每一日都有唔同嘅活動，
逢星期二晚，
呢度就會變成畀人傾偈、擺低心事嘅痛哭酒館。

負責人之一嘅阿謙話：「得閒入嚟坐啊。」