今日有人開心share咗個徵片post，話要整三條片，一條要入森林、一條要上太空、一條要有新技能，而重點係返返落嚟要跑數。開價五舊到七舊，講清楚，唔係一條五舊呀，係三條加埋五舊呀（好似係）。

呢個大編劇其實係好寫實同好有深度咁反映咗香港嘅社會狀況，就係畀你識得上太空都係返嚟跑數咋，嗚呀！

而喺講求經濟效益同時又重視創意人才嘅香港地，用呢個價錢要整一齣《煙他士爹拿》出嚟，非常合理（你腦細覺得），創作零成本吖嘛，咪計較咁多啦。