噚日呢張「宏利$500英雄帖」流出之後，今日有讀者就喺JobsDB度發現咗宏利一個最新嘅請人post，係請Digital Marketing呀！

反應係幾快嘅（我講個讀者），而毛記電視製作部嘅毛孩知道呢個消息之後，都話想過檔呀（好似係）。咁又係嘅，橫掂大家都係要跑數㗎喇，留喺呢度，日日都淨係被困喺鍍金雙子塔裡面，頂晒龍咪最多畀你去埋2046樓嘅毛記電視城，或者逢跳樓/鬧交/掟仔落街/BBQ/跳起Yeah必用嘅天台外景。邊似得人哋又可以去森林、又可以上太空先得㗎？

不過，呢個post冇寫到幾錢人工嘅？唔知是咪日薪500呢？