打緊工嘅想上位，就要定時定候做啲嘢畀老細睇。而689今日就喺佢份「施政匯報」度作出咗個完美示範，佢話佢其中一項政績係3月中嗰陣，喺維園舉行嘅花卉展入場人數破咗紀錄喎。

之前最多人嗰年先係56萬人次左右咋，今年有成60萬咁多呀！何止破紀錄呀，直情係大躍進?呀！再睇落多少少，原來康文署博物館嘅入場人次都一樣破紀錄呀！真係好叻叻豬呀！不過有冇計埋，多咗嗰啲人係邊樹人？

咁多位打工仔，你哋下次可以試吓同老細講自己份proposal 破紀錄咁多咗2粒字，返工時間又破紀錄咁早咗1秒鐘，上位指日可待。

來源: 施政匯報