有乜嘢驚得過喺廁所見到小強？就係喺廁所裡面見到龍蝦，仲要係喺踎廁個窿度見到伸咗對鉗出嚟嘅龍蝦！

真人真事，讀者Sharon Ng去一間餐廳食飯嗰陣，居然喺廁所發現到隻龍蝦，今次真係野生捕獲喇！

見到咁嘅情況，人生交叉點：繼續屙？救返佢上嚟？定係華麗轉身走人，去過第二格（如果有）？

而根據Sharon嘅形容，餐廳個廚房喺地牢，廁所喺地面，咁究竟呢隻龍蝦點解會喺度出現嘅呢？Mysterious！Ridiculous！呢個......係一個謎~~~

不過最驚嚇嘅事，應該係去完廁所之後，出到去就見到呢味餸......仲食唔食好？