地鐵明明已經貼晒安全標語提大家唔好衝門，仲請咗好多黃衣人返嚟棟篤企，舉起笑哈哈牌提大家要停一停唔好再入，之但係每日仍然有好多人9衝入車廂，然後入得啲入唔得啲，就有唔少嘢被夾住鳥，例如菠蘿包呀、衫呀、報紙呀咁。

毛孩睇完讀者Henry Lam HY喺羅馬機場影返嚟嘅相之後，終於都明白點解喇！

你睇，人哋個標誌睇見都覺得痛㗎，就梗係唔敢再衝啦！我哋嗰啲？

仲有咁大條罅，幾時夾得到埋嚟吖？嚇我唔到嘅......