地鐵同鐵路警區合作，每年都會頒發好乘客獎畀好乘客，其中一句口號係「精明眼，防罪案」，希望鼓勵大家共建一個河蟹嘅社會。不過有讀者對住呢個廣告，就有啲疑惑嘞。

究竟點樣先拎到呢個獎呢？要偷人嘢﹐定畀人偷嘢？抑或係望住人哋偷嘢/畀人偷嘢？計我話，使乜搞到咁複雜吖，見到有需要人士就讓個靚座，上車嗰陣行入啲咪塞住個門口，唔搬大大個櫃呀洗衣機呀上地鐵，就已經係好乘客啦。當然，再好啲就梗係寧願自己等多幾班車唔上，讓我上先啦。