讀者VaNix Sy喺長沙灣地鐵站對出位置，發現有棵橫躺住嘅樹，上面有塊牌寫住「樹木正在維修中」。

喺我哋偉大嘅國家裡面，每一個人，甚至每一棵樹都要係精英，呢啲咁嘅廢青，呀唔係，係廢樹，都瞓低咗咯，應該要連根拔起啦。土地問題都已經夠嚴重㗎啦，拔得一棵得一棵，多返少少地得少少地吖嘛，寸金尺土呀！

唔怪得早前阿Treegun議員咁神心，出巡探佢啲同類啦，原來係要同朕check吓邊個要維修，唔知佢有冇幫自己check埋呢？