聽日就係九月三號啦！毛毛真係好開心多咗一日假......吖唔係！係因為祖國抗日戰爭勝利70周年，身為祖國嘅一份子，我都感到好自豪好驕傲呀！

有零食店為咗呢件盛事，仲特登掛咗條banner慶祝！

睇返呢間鋪嘅facebook，原來唔止抗戰勝利呀！連香港回歸佢都有掛banner，仲有discount添！真係愛國愛港嘅好榜樣呀！

毛毛呢啲毒L放假都係冇人約㗎喇，惟有喺屋企坐定定，食住零食等睇戲囉！所以呢間鋪頭就真係識做生意啦！成功吸納到班愛國人士好似毛毛咁去幫襯佢。

但毛毛睇真啲，點解個banner寫住抗日，但係鋪頭門口就放住一箱箱嘅日本即食麵嘅？

連其他日本零食都有

咩啫！人哋話抗日勝利咋嘛，都冇話要抵制日貨！呢間鋪頭肯肯定係想食晒日本鬼子嘅嘢，等佢哋冇啖好食，用心良苦嘅嘢，毛毛真係識條鐵！

資料來源：將軍澳、善食緣 ZEN FOODS