啪啪啪啪啪！恭喜晒慈母！公務員事務局搞咗個「2015年公務員優質服務獎勵計劃」，讚揚一班為香港市民仆心仆命嘅公務員sss。慈母眾望所歸，拎到「最佳公眾形象」銀獎呀！超威威囉！

慈母真係一擔心機咁維持良好公眾形象㗎，雖然只係得第二，但已經好過拎唔到獎呀係咪？

拎到獎已經夠晒開心，689同志仲喺網誌大讚JING CHA致力令香港成為世界上最安全城市。能夠得到領導大讚，真係應該有請小鳳姐！

正如689同志咁講，慈母致力加強心理質素培訓（就算幾嬲都唔會拖人去暗角度狂踢咁低手）、裝備研發（好似延伸嘅手臂咁）同推動社群共融（派出4點鐘許Sir教大家english），得到「最佳公眾形象」銀獎，實在係眾望所歸。

睇返港大民意研究，市民對慈母嘅滿意度，係咁多個紀律部隊入面第一（由尾數上去）㗎！仲由舊年12月開始低分咗?。唔通正苦想畀我哋睇下咩係慈母羅生門？

資料來源：公務員優質服務獎勵計劃、特首網誌、港大民意研究計劃