有讀者報料，喺柴灣興民邨有清潔工人竟然將邨民分好晒類嘅回收物料，當垃圾咁倒晒出嚟落大流肛華度！

讀者表示，類似嘅情況已經唔係第一次發生，佢至少都見過6至7次，個清潔工人會順序由鋁罐開始倒起、之後就係膠樽同廢紙箱。

最後呢個大流肛華裡面嘅物料同垃圾，就會被倒晒去垃圾車度！太過份喇！嗰啲物料明明係邨民好有心咁刻意分開出嚟，希望可以回收再造，支持環保㗎嘛，絕對唔係垃圾嚟！（警訊mode）毛毛喺度呼籲，如果大家對呢件事情有更多嘅資料，或者你目擊到事發經過，請留言或者喺《100毛》Facebook度inbox我哋，多謝。