林依晨噚晚喺南韓「2015首爾電視劇獎」用中、英、韓文致詞，超級叻豬！嗚呀，點解又叻又靚嘅女仔好似永遠只係喺電視出現咁嘅？

攞獎梗係要循例講下得獎感受嘅，嚟嚟去去都係好多謝腦細fan屎同阿爸阿媽，仲有"I am very thanks them"咁啦。林依晨就話：「做為台灣藝人，能夠獲得這個獎項，我真的覺得很開心，也非常感謝。」嗯嗯，都估到係呢啲行嘢囉，冇乜特別。

但係直播頒獎禮嘅強國芒果TV就手多多，強行填詞，幫佢改咗做「做為中國台灣藝人」。毛毛一啲都唔覺得驚訝，因為實在太符合國情。

唔止林依晨，仲有陳柏霖同炎亞綸都畀人夾硬寫咗做「我是中國台灣的陳柏霖」同「中國台灣的歌手兼演員」。

呀……唔記得咗講?，林依晨嘅得獎感言係用泡菜文講㗎。佢就話政大韓語系畢業啫，強國芒果TV啲同胞未必識泡菜文㗎嘛！強國都試過將”seven years later”譯成咁啦，唔小心譯錯一兩句泡菜文又有咩咁出奇喎。

資料來源：台灣自由時報