2015年09月11日 星期五
熊本縣政府喺香港開咗事務所呀！
有人話「男人唔壞，女人唔愛」，都有人話「好人只配收好人卡」......嗚呀，唔怪得毛毛豬鍾意Kumamon都唔鍾意我啦！可恥！而就喺今日9月11日，熊本縣政府喺香港開嘅事務所終於開幕，當然係為咗推廣當地嘅旅遊業同特產乜乜乜啦～
Kumamon仲話會繼續孭起親善大使嘅責任，積極宣傳熊本縣同出席宣傳活動......咁即係點呀，開咗事務所之後有冇大大個Kumamon喺度坐陣先？
吓？聽講Kumamon會喺日本熊本縣嘅扮工室度扮工，唔會駐港㗎囉。睇埋佢個扮工時間表，平均一個星期得4日要扮工咋。唉，這些機會......
哼！不過就算有Kumamon喺度坐陣，我都係唔會去望個情敵一眼㗎！（毛毛豬約我去嘅話就另計......）
