嗱唔好話再話做騙徒冇出色呀吓，你以為而家啲跨境騙徒淨係好似以前啲寶藥黨祈福黨咁呃你一千幾百嘅咩，幾個月就搵到一億喇人地！而家仲唔止中港交流，開始接通國際喇。

近來唔少網民都收到來自世界各地嘅電話，但係呢啲電話都有一個共通點，都係講中文㗎！仲要話咁快由強國公安局升級到中央調查局喇！

下次係唔知會唔會係聯合國安理會打嚟，話你知你勾結外星人，再駁個電話畀黑超特警組話你架UFO畀人扣查，要你交返一千幾百萬先唔塔你返火星呢？