大台出晒名認真製作，一個廁所嘅佈景都一絲不苟，你睇，大台又有領先宇宙嘅新設計喇！

從前，有個可歌可泣嘅愛情故事，首先個女主角有一個花心男朋友，女主角會好快發現男朋友呃佢，於是就可以順理成章地遇到真命天子。

而喺終於發現呢個殘忍嘅真相嘅時候（好似係男朋友去咗叫雞，是旦啦），呢個毛文必須要講呢句經典對白：「點解呀？！究竟我做錯咗啲咩呀？點解你要咁對我？」喺大台冇講過呢句，就好似冇分過手一樣！
而驚天動地嘅愛情故事背後，一定要有一個淒美動人嘅美景襯托，冇錯，就係呢一個用屎塔板做鏡嘅廁所，令成件事昇華咗。

嗱唔準話我哋大台冇鏡框用是9旦痴個屎塔板上去呀，呢個係人哋美感嘅指標，品味嘅象徵嚟㗎～