今日係……呀，係咩日子呢？毛毛淨係記得今日有假放咋喎？睇睇下微博先醒起，原來係國慶呀～話明國慶，一班愛國藝人上次閱兵都咁滾動喇，今日都應該會出盡力喺微博祝賀66週年國慶嘅～但係唔知點解，今日佢哋好似冇上次咁畀力喎？

阿B喺9月閱兵嘅時候滾動到流下男兒淚，連國歌都唱唔到落去，但今日國慶就淨係post咗張「国庆快乐」嘅相加句caption「普天同慶」就算，好似求其咗少少喎～

而唯唯上次好型咁post咗張敬禮相，青色頭加上銳利嘅眼神，幾殺食呀～而今日就低調得多，只係forward咗央視嘅升旗嘅相，再加多句：「生日快樂！國泰民安！」，唔講仲以為係同温拿個陳友慶生呀！

古乳有暈，愛國就是不保留，好似唯唯咁連「国庆」兩隻字都冇寫又點得呢？起碼都要好似咁樣樣雞乸咁大隻字寫住「祖國萬歲」先收貨啦～

封面圖片來源：梁烈唯微博

資料來源：梁烈唯微博、鍾鎮濤微博

回帶：愛國就是要這樣