田二少可能嫌上次嘅「睇皮膚就知係中國人」嘅言論震驚唔到全球70億人，今日佢又發功喇！

佢喺自己個報紙專欄度為大家帶嚟新視野，從另一個角度去睇呢個世界，佢用咗成個專欄幫港鐵平反呀！佢仲話班廢青為咗呃like，成日都要港鐵職員即場度水貨，真係「難為了家嫂」咁喎。

咁又係呀，港鐵每日都幾千萬（水貨）上落，真係逐樣逐樣度嘅話一日48個鐘都唔佢夠呀！

所以如果你搭港鐵嘅時候仲係見到呢個情況，不要怕，只係港鐵職員嘅技術性問題，不要怕。我諗佢哋只係太忙同唔夠人手，先會有呢啲漏網之水貨客出現啫！肯肯定田二少冇去到平行時空嘅！不過係咪住喺堅離地……就唔知喇！

封面圖片來源：蘋果日報

資料來源：AM730