如果就咁睇到呢張相，你可能會以為班學生哥做咩咁chok，室內都戴黑超，但其實佢哋係為咗一個雙眼畏光嘅女同學先咁做！

首先講下咩係「畏光」先，即係見到普通嘅光度，都會覺得唔舒服，甚至見到霓虹招牌都覺得好刺眼，要經常戴黑超或者帽嚟保護眼睛。

話說班入面有位女同學注射咗子宮頸癌疫苗之後，產生副作用，雙眼變到對光線好敏感，所以全班同學就喺上台獻唱嘅時候陪佢一齊戴黑超，等佢唔會覺得咁孤單同異相。日本真係一個好有愛嘅地方，唔講毛毛仲以為睇緊日劇呀！你睇啲男同學仔，幾有型呀，不過唔係型在戴黑超加插晒袋，而係對同學嘅支持呀！！！

來源：日本《琉球新報》、健康樂活