Toyz寫藏頭詩:終共逼我打假賽?

《英雄聯盟》S5世界大賽有選手疑似打假賽?HKE中路選手Toyz都喺fb打咗一大段嘢,講返自己嘅近況同回應下單嘢......

圖片來源:劉偉健

咦,愈睇愈唔對路,點解講到1999、仲文青過文青689嘅?嘩嘩嘩,不得了!原來佢係打緊藏頭詩呀!大家睇唔睇到呀?佢話「我想大家不知到(道)終(鍾?)共逼我打假賽,在LMS抱歉我不會做下留(流)的事」呀!!!有網民認為「終共」係暗指緊鍾共,即係HKE腦細,話佢操⋯⋯控緊個比賽囉疑似。

圖片來源:《少林足球》截圖

而Riot都喺網站發咗個聲明,話「接獲舉報,HKE(Hong Kong eSports)職業戰隊於 LMS 夏季聯賽 07/09(四)對上 MSE(Midnight Sun)的比賽中,有疑似意圖操控比賽結果的情形。」,仲話查到喺比賽前,啲管理層堅係有叫教練教啲選手特登輸咗嗰兩場比賽!

圖片來源:台灣英雄聯盟

雖然最後HKE都畀人用棄賽罰款條例​,罰咗新台幣 20 萬元......但典解呢個世界咁黑暗㗎......老老竇竇,除咗假嘢係真係假之外,毛毛已經唔知仲有咩係真......

Btw,用藏頭詩嚟同腦細表達意見呢個方法又幾好,含蓄得嚟又講到你想講嘅嘢,但你腦細個腦會唔會太細get唔到就唔知喇~Any肥,我知唔係個個都好似毛毛咁好文采㗎嘛......唔緊要,由於時間關係,毛毛已經幫你哋搵咗個藏頭詩產生器!

圖片來源:藏頭詩產生器

撳個掣就得,仲有得揀收埋句嘢喺第幾個字𠻹,真係既方便,又快捷~而呢首詩,我覺得唔止藏頭,仲有藏尾(句)呀!好詩好詩!

 

封面圖片來源:Toyz劉偉健

資料來源:Toyz劉偉健台灣英雄聯盟

毛記電視網站 · 版權所有 · 不得轉載 Copyright © TVMOST.COM.HK All rights reserved