其實動畫要做宣傳真係easy執，求其整啲公仔擺喺度，就會有一大堆妹豬衝去影相呃like，自動幫你宣傳㗎啦～而聽講強國最近都有套柯南劇場版會上，有網民就喺武漢科技大學東瀾岸附近發現咗柯南宣傳公仔～

嘩！撞鬼你咩，嚇到毛毛個心肝仔都跳埋出嚟呀！點解個柯南對眼細咗咁多嘅？仲O晒咀咁，受咗咩刺激呀陰公豬......以毛毛9估，可能柯南係接受唔到自己要離鄉別井，去到強國搵食啦......

仲有隔籬嗰兩個路人甲，黑口黑面咁，又冇表情喎，一見到就諗起毛毛個腦細喇唉......點解咁樣樣都擺得出嚟做宣傳㗎？

毛毛相信呢個笨唔係柯南嘅宣傳，而係繁忙兒童合唱團嘅新icon！嗱，繁忙兒童日日都有百9幾樣功課默書小測加考試㗎嘛，梗係個個都好似呢幾個公仔咁冇晒表情啦～

封面圖片及資料來源：aho茶糕／微博

再嚇多次：【嚇死人咩】白雪公主咁樣樣