自從facebook有咗直播功能之後，好多明星都鍾意得閒開下直播，同啲fans互動下。而JJ林俊傑噚晚開直播嘅時候，就係咁啱得咁橋，遇上一個啱啱唱緊佢首成名作《江南》嘅街頭藝人呀！

橋到咁，唔係唔去show兩咀呀？於是JJ就行埋去同個街頭藝人齊齊jam歌喇。本身喺側邊玩緊電話嘅低頭族，突然間聽到把聲咁熟悉咁似JJ，都即刻狗衝過去影相拍片。

有喺現場嘅網友都話JJ超親民，仲話個街頭藝人真係好好好好彩。係囉，毛毛都好葡萄呀！剩係佢首《她說》毛毛都唔知丁咗幾多次喇。Btw，點解喺香港見唔到呢啲事嘅？吖係喎唔記得咗，香港啲街頭藝人，未開口唱就已經畀人趕走咗?。

封面圖片來源：呂欣蓉

資料來源：林俊傑