周永痕背住阿Yu 偷食，跟手連二奶Ruby都話頂佢唔順要同佢斬纜，負皮跌到一地都係，以為佢會收歛下啦，點知噚日佢就喺facebook post咗3張同周芷儀影嘅sweet sweet相，似乎想挑戰Edison食女王嘅地位喎。

有網民留comment鬧爆周永痕「姣婆遇上脂粉客」，個comment有成700幾個likes呀！仲多過周永痕個post！點知周永痕竟然串返人轉頭，話like呢個comment嘅人都冇獨立思想呀！

有另一個網民都鬧佢冇諗過自己個女嘅感受，黐埋啲cheap人（是咪即係周小姐？）度搞到自己愈嚟愈cheap，但周永痕就好有禮貌咁多謝人參與呢個社會實驗。你嗰個係咩社會實驗咁偉大呀？唔通係「從攬女相窺探網民對食女貝戈戈男的容忍程度」？

封面圖片、資料來源：Roy Chow