呢幾日突然凍咗咁多，廢到好似毛毛咁都開始流鼻水，打晒冷震，更何況係一班無家可歸嘅流浪真毛孩呢？有有心人就專登整咗幾個貓箱，等班流浪貓可以入去休息下！

聽講小動物對於溫度係敏感好多嘅，當我哋人類只係覺得少少凍嘅時候，佢哋係會比我哋凍多10倍（好似係）！好在有街坊整咗呢啲貓貓避寒中心，仲喺裡面放埋啲衫同食物，等班貓仔有得保暖之外，仲有得瞓有得食，真係睇到毛毛巧滾動呀！

佢哋仲細心到連橋底都唔放過：

除咗佢哋，有車嘅都同我聽住！唔該開車之前拍下個車身先好開車，因為有時啲流浪貓貪個引擎暖暖哋就會走入去取暖順便瞓個靚覺。你嘅一個小動作，分分鐘可以救返一條貓命㗎！

其實毛毛有一個好小好小嘅願望，就係有一日，呢個世界冇晒流浪嘅小動物，大家都有個溫暖嘅家，咁就好嚕。

封面圖片來源：Roy CMK

資料來源：Tai po<大埔>(言論自由)