有愛國小先鋒之稱嘅淨心BB成功爭取盧凱彤被踼出南方草莓音樂節呀！

所謂嘅南方草莓音樂節，其實係強國搞嘅一個音樂節，每次都會邀請唔同嘅音樂單位去表演，好似盧廣仲同盧凱彤咁，本身都係有被邀請嘅，之不過盧廣仲因為之前嘅反服貿事件而畀有「台獨剋星」之稱嘅台灣藝人黃安狙擊，搞到一早就被人踢出局，冇得參加音樂節：

點知嚟到今日就到盧凱彤畀淨心大媽踢走喇。原因？咪就係因為佢係黃屍，所以咪畀淨心大媽舉報囉！佢仲好sad咁喺facebook post咗張相，話相信明天會更好喎！

唉，Ellen BB你又唔似某啲歌手咁識9叫，又要係黃屍，偉大嘅祖國又點會鍾意聽你唱歌吖！不過你又唔使愁嘅，強國人唔聽，咪我哋香港人自己聽返囉！毛毛相信，香港仲有好多人會支持你㗎！至於嗰個乜嘢爛草莓音樂節，就由得佢哋自己喺東莞慢慢唱啦下。

封面圖片來源：盧凱彤Ellen Loo

資料來源：盧凱彤Ellen Loo 、黃安微博 、陳淨心微博