嗚哇，毛毛什麼鬼都怕㗎，唔好拎啲鬼相嚟嚇我呀……咩話？你話呢班唔係鬼，係人嚟？

呢度其實係北京嘅朝陽公園，北京最近空氣好差，仲出現埋霧霾現象（即係空氣入面有超超超多污染物搞到超超超大霧），所以張相咪影到好似電影Silent Hill咁囉！嗰啲人影都唔係鬼怪嚟，而係跳緊廣場舞嘅大媽呀！好彩啫，嚇到毛毛個心離一離呀！不過因為張相實在太似喪屍片，有強國網友就索性改圖，將張相變做真﹒silent hill遊戲：

遊戲都話死咗有得重新嚟過吖！現實中如果真係吸入呢啲霧分分鐘即刻game over呀！

所以毛毛好敬佩呢班強國人㗎，平時已經要食黑心食品、飲毒水、住空心樓，而家仲要吸埋毒霧，都死唔去！仲要堅持跳廣場舞！強國人，可能係世界上最強嘅民族呀！

封面圖片來源：侯小強微博

資料來源：侯小強微博、威洛比微博