自從吳克儉吳局長公開話自己一個月睇到30本書之後，全宇宙都封佢為速讀大師：

佢仲話如果坐長途機嘅時候，十幾個鐘已經夠佢睇十幾本書喇！咁咪即係一個鐘睇一本？嘩巧叻叻呀吳局長！

不過硬係仲有啲廢青質疑局長，搞到人哋今日出席公開活動嘅時候又要再講多次畀大家知，係呀佢真係一個月睇到30本書㗎！不過原來係講緊雜誌囉！

咩啫而家雜誌唔係書呀？河馬唔係馬呀？啲廢青咁冇文化，識條鐵咩！btw，局長日理萬機都睇咁多「書」，佢嗰份對知識嘅渴求真係令毛毛非常欽敬，睇嚟毛毛都要學下吳局長，得閒就鑽研下啲《龍虎咩》、《夜遊Ｘ》，做返個知識份子先！

封面圖片來源：明報加國即時新聞網

資料來源：RTHK

回帶：【速讀大師】吳克儉10幾個鐘睇10幾本書?