一月就係台灣立法院選舉喇，你知啦，一到選舉，成班候選人都會湧晒出嚟拉票，不過台灣嘅候選人就唔似得香港嗰啲咁淨係拉下Banner、食下蛇dry餅糉咁hea，而係瞓晒身㗎！

呢隻勇猛嘅獅子，呀唔係，國民黨候選人，叫做陳茂嘉。佢話跳火圈係因為要表示自己參選嘅決心呀！

你睇佢，由起跑、跳過，到落地，都99%睇得出佢對報考馬戲團有幾大決心呀！不過如果個火圈再細啲，毛毛會畀埋嗰1%佢囉。最衰《康熙來了》播完啦，唔係佢真係可以上去show 下 qualy囉～

唉，毛毛無啦啦講台灣候選人，係有原因㗎～如果Treegun早啲學識呢條絕世好橋就好啦，咁佢咪唔使變輸根囉……而家開始練定啦輸根！下一屆區議員選舉毛毛買定飛入馬戲團睇你表演呀！

封面圖片來源：udn.com

資料來源：TVBS 新聞