香港土地問題咁斯維依（in English：serious），車主緊係要學下啲特別嘅泊車技巧嚟幫幫手解決問題啦～

手車好嘅朋友可以試下呢招打側泊車呀，架架車都慳一半車位，慳慳埋埋，可以讓返半個停車場出嚟起樓呀嘛。

再唔係可以試下呢招，植入式泊車！架架車都45度角咁擺，呢個車主睇嚟係唔想破壞呢個和諧嘅畫面，所以就跟隊打斜泊，點知咁啱佢個位有條欄杆……

唔緊要嘅，小心啲咪得囉，你睇，仲差0.03cm先會刮花架車㗎～不過話時話，其實可能係佢泊咗車之後啲工人先起條欄杆都唔奇喎？

講咗咁耐，泊車嘅嘢，毛毛真係識條鐵㗎咋，我都冇車…… 唯有再一次呼籲下咁多位車主開車之前拍拍車身先開車啦，天氣凍，好多小動物鍾意黐住架車取暖㗎。

封面圖片、資料來源：Edward Tong/小心駕駛(討論別人駕駛態度) 

延伸閱讀：最強泊車慳位大法