有市民話噚日喺銅鑼灣行行下街嗰陣，竟然見到有幾個聖誕老人吊咗自己喺時代廣場嘅外牆出面？下，聖誕節仲有幾日先到喎，唔通啲聖誕老人諗住提早派禮物？

嗚哇！吊到咁成十幾層樓咁高，望落街上面啲人仲細過粒米，毛毛隔住個mon都覺得暈暈地......

btw，其實班聖誕老人吊到自己咁高唔係諗住想派禮物呀，佢哋係想掛張banner喺時代廣場出面咋！

是咁的，佢哋係綠色和平嘅成員嚟，掛張咁大張嘅banner喺度都係想提醒啲人：臨近聖誕喇，買嘢嗰陣停一停諗一諗，唔好係又買、唔係又買，做成大量浪費！又啱嘅，每逢大時大節都會有好多浪費嘅情況出現，而家大家睇到張banner就識做啦～

Btw，有網民就話睇完張banner都唔知佢講緊乜，又話掛張banner要出動到消防員set氣墊，勞師動眾兼阻住晒條街喎......

唉呀！人哋都係想提醒下你哋班大㗰鬼少啲浪費啫，欣賞下人哋一片苦心好冇！

封面圖片及資料來源：Greenpeace 綠色和平 - 香港網站