毛毛唔鍾意套套，睇見都覺得酸！但兔兔就唔同喇，不知幾可愛，幾得毛毛歡心呀！毛毛成日都喺扮工時間趁Brain Small入咗房，上網睇得意兔仔相㗎！

呢隻日本兔仔平時食開草草嘅，有一日佢主人就話想換啲兔糧畀佢，等佢飲食均衡啲啦，點知傻兔仔竟然咬實最後一扎草唔放，好似以為以後會冇草草食咁呀！

兔仔表示：「唔好搶我啲草草呀！諗下都唔可以！」

傻兔仔仲一路咬住草草一路食新嘅兔糧呀，睇嚟佢真係好鍾意啲草草…… 不過呢，都有網民話兔仔可能係發情或者有咗bb～咩原因都好啦，白色軟冧冧又眼大大嘅兔兔真係好打耳！

可能隻兔仔睇到啲松鼠個口咁細都塞咁多花生入去，都想學下佢哋扮下cute呢～毛毛都想試下塞咁多嘢入口呀（冇暗示，真係冇），hehe～毛毛講緊食聖誕大餐食多啲嘢呀！

封面圖片來源：carrot666/ twitter

資料來源：carrot666/ twitter、youtube