自從毛毛跟咗大劉個仔月儲3千蚊嘅上車方程式之後，毛毛終於買到山頂嘅……演唱會飛喇！可惜女神嫌毛毛買嘅唔係握手位，所以放咗毛毛飛機……老老竇竇，演唱會握明星隻手最多咪握一兩秒，識握一定握呢隻貓貓隻手！

有日本網民就話，呢隻貓貓嘅手係任握唔嬲嘅～但啲貓貓唔係好有性格，唔係隨便畀人掂㗎咩？點解呢隻貓貓會任握唔嬲嘅？哦，原來係因為呢個日本網民屋企條樓梯隔離有個窿，而隻貓貓可能太肥啦，所以咪淨係伸到上半身出嚟囉～喵～

呢隻貓貓無邪又純真嘅眼神，實在……實在係太犯規喇！如果毛毛喺呢位日本網友屋企，應該會佔領呢條樓梯，日日瘋狂咁同隻貓貓握手！

不過……唉，唔好話握貓貓隻手，毛毛想呃女仔隻手握下都未試過呀～嗚嗚......

封面圖片來源：Twitter
資料及圖片來源：Twitter
睇多隻打耳貓貓：【心痛死喇】病貓食藥食到流眼淚