毛毛明明都已經做到冇停手，brainsmall都仲係咁叫毛毛做呢樣做嗰樣，手就得一對，做得邊樣呀腦細！不過呢個嬸嬸就冇學似毛毛咁流淚心酸捨棄，仲積極樂觀咁面對顛沛流離曲折離奇嘅人生?！

 嬸嬸手就得一對，但又要推輪椅又要拎住包米，想生多對手出嚟都生唔切啦，於是佢就即埸煲晒啲米食晒落肚喇！咁咪唔使托米仲有氣有力推輪椅囉！……ok，講笑咋，係毛毛諗多咗，其實佢係將包米放咗上個頭度頂住行，咁都畀佢諗到又唔跌返落嚟嗰下好嘢呀嘛！

係喎…… 咁咪有手做其他嘢囉？大圍最近有新人用花轎結婚，新郎哥又要抬花轎又要畀開門利是，如果佢都學個嬸嬸咁用頭頂住頂轎，實夠晒誠意分啫！

封面圖片來源：Mana Li‎

資料來源：小心駕駛(討論別人駕駛態度)、大圍聯盟 (Tai Wai Coalition)