毛毛細細個睇哈利波凸嘅時候，就幻想將來大個咗要養返隻貓頭鷹嚕～不過而家唔好講話養貓頭鷹啦，毛毛連自己都未必養得掂呀！

但喺咩事都可以發生嘅強國，貓頭鷹就唔係用嚟養喇，而係用嚟……浸酒？！有強國網民就發現，只要搜尋「貓頭鷹、泡酒、療效」就可以搵到呢啲陳年貓頭鷹浸酒，盛惠3800蚊人仔，仲話可以醫頭痛腳痛?喎！



有記者就打電話畀賣家問佢點賣啦，佢就專業推介話啲酒已經由2009年開始浸㗎喇，仲話隻貓頭鷹要生勾勾咁浸落啲酒度，等佢飲到成肚酒咁，啲酒嘅藥效先最正！

真係睇到毛毛火都嚟埋......如果嘿美知道佢啲同類畀人咁虐待法，實會叫哈利波凸用咒語懲罰啲強國人，下世做強國嘅貓頭鷹！哼！

封面圖片來源：博物雜誌/微博、bandcamp
資料及圖片來源：博物雜誌/微博、網易新聞、bandcamp